ევრომელანომა 2014
- ფონტის ზომა decrease font size ფონტის ზომის გაზრდა
- მეილი
17 მაისი
წლევანდელი ევრომელანომის კამპანიის ფარგლებში მოსახლეობის ფართო მასების სკრინინგის დაწყებამდე სკრინინგის ჩატარებაში უკვე გამოცდილმა ექიმებმა ჩაატარეს აქცია შრომის, ჯანმრთელობისა და სოციალური დაცვის სამინისტროში. კანის დათვალიერება და დერმატოსკოპიული გამოკვლევა ჩაუტარდა სამინისტროს 70 თანამშრომელს. გამოვლინდა ატიპიური ხალების სინდრომის 2 შემთხვევა.
ჯანდაცვის სამინისტრო წელს აქტიურად უჭერს მხარს ევრომელანომის კამპანიას. 26 მაისს, საქართველოს დამოუკიდებლობის დღეს, სამინისტროს მიერ ორგანიზებული გამოფენის ფარგლებში ევრომელანომის მონაწილე ექიმები რუსთაველის გამზირზე ჩაატარებენ ქუჩის აქციას, რომლის დროსაც ჩატარდება მოსახლეობის უფასო გასინჯვები, სკრინინგი კანის კიბოზე. აქციაში ექიმებთან ერთად მონაწილეობას მიიღებენ პეტრე შოთაძის სახელობის თბილისის სამედიცინო აკადემიის სტუდენტები და დერმატოლოგიის სპეციალობის რეზიდენტები.